Thursday, 10 July 2014

Breytt lukt

Ég keypti þessa fallegu lukt í IKEA fyrir nokkru síðan og þó svo að hann sé fyrst og fremst til að hýsa kerti þá er hægt að breyta því að vild.




Planið var nefnilega að breyta henni í eitthvað allt annað - og nota sem skraut í forstofunni.



Ég notaði allskonar pappírsblóm, greinar, laufblöð, glimmer og annað skrapp-skraut til að klæða luktina upp á nýtt.


Og útkoman varð svo þetta blágræna fuglaathvarf.


Ekki slæmt að nota pappírsföndrið í eitthvað skemmtilegt heimilis-stáss!


Takk fyrir að kíkja! :D

Wednesday, 5 March 2014

Ferming 2014

Mikið svakalega líður timinnn hratt - það er bara kominn mars og margir farnir að plana fermingar.


Því er eins gott að fara að spýta í lófana og byrja á fermingarkortunum í ár.


Eg set inn þau kort sem mér finnst henta vel fyrir fermingar í albúm á Fésbókarsíðunni minni þar sem allir geta skoðað það sem er í boði.


Endilega hafið samband ef ykkur vantar fallegt einstakt kort!

Sunday, 12 January 2014

Borðskraut á áramótum!

Þegar ég var að skreyta borðstofuborðið um áramótin þá fannst mér eitthvað vanta og ég var að hugsa um að finna til blóm og greinar en var samt ekki alveg að fíla þá hugmynd.


Þá datt mér snjallræði í hug ( þó ég segi sjálf frá ;o)! Eldri dótti rmín er mikill perlari og henni finnst einstaklega gaman að setja saman sín eigin munstur. 

Svo að ég fékk leyfi hjá henni til að notast við perl-listaverkin hennar til að skreyta borðið.


Hún var mjög sátt við þá ósk mín ef ég lofaði bara að skila þeim aftur - þær væru sko bara í láni!
Auðvitað samþykkti ég þá ósk og hóst handa við að finna nógu margar stjörnur til að skreyta hvern disk!


Útkoman var falleg og persónuleg, svo var líka rosa gaman að skreyta með dóttur minni. 


Og ekki verra að eiga svona fallega hekl-kertastjaka frá snillanum henni Lindu til að setja punktinn yfir skrautið!

Sunday, 5 January 2014

Gleðilegt ár!

Gleðilegt ár kæru föndrarar og fagurkerar og takk fyrir það gamla!

Mikið var nú gaman að horfa á alla flottu flugeldana um áramótin og ekki er verra að taka á móti árinu 2014 í svo mikilli blíðu!


Eru einhverjir búnir að strengja föndur áramótaheit?
Ég er allavega búin að ákveða tvö fyrir árið 2014. 

1. Prófa Distress Markerana frá Tim Holtz/Ranger
2. Vera dugleg að nota fallega Washi tape stashið mitt



En snúum okkur að föndri, hér er allavega fyrsta kort ársins.


Notaði pappír frá Prima, blóm frá I Am Roses, Prima, skraut frá Prima, Webster's Pages og auðvitað Tim Holtz blek.


Þangað til næst!